ᐅᖃᓕᒫᕆᑦ ᑭᒃᑯᑦ ᓂᕈᐊᖅᑕᐅᒐᓱᐊᖅᑐᓄᑦ, ᐊᒻᒪᓗ ᓱᒻᒪᖔᑦ, ᐆᑦᑐᕋᓱᐊᖅᑐᓄᑦ ᓇᓗᓇᐃᒃᑯᑕᕆᔭᑦᑎᓐᓂ
ᓰᐱᓰ ᐅᑭᐅᖅᑕᖅᑐᖅ ᐱᔨᑦᑎᕋᖅᓯᒪᔪᑦ ᐊᐱᖅᓲᑎᓂᒃ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ: ᓇᓗᓇᐃᔭᐃᓂᖅ ᐊᔾᔨᒌᙱᑦᑐᓂᒃ ᐊᒻᒪᓗ ᑐᑭᓯᓇᒋᐊᕈᑎᑦ ᑭᐅᔭᐅᔪᑦ.
ᓂᕈᐊᖅᑕᐅᒐᓱᐊᖅᑐᑦ ᓄᓇᕘᓕᒫᒥ ᕿᒥᕐᕈᐊᕐᑐᑦ ᐃᓕᓐᓂᑦ ᓂᕈᐊᕐᓂᕐᒧᑦ ᐋᒃᑐᐸ 25 ᐊᕕᒃᓯᒪᔪᑦ ᓄᓇᓐᓂᑦ ᓂᕈᐊᕐᓂᕐᒧᑦ, ᐊᒻᒪᓗ ᓰᐱᓰ ᐅᑭᐅᖅᑕᕐᑐᖅ ᐃᖅᑲᓇᐃᔭᕐᑐᑦ ᑐᓴᐅᒪᑎᑦᑎᓂᐊᕐᓗᑎᑦ ᐃᓕᓐᓂᑦ ᓂᕈᐊᖅᑳᖅᑎᓐᓇᑎᑦ.
ᓇᓗᓇᐃᔭᕇᕐᐸᑕ ᐊᖏᕈᑕᐅᓂᐊᖅᑐᓄᑦ ᒪᑐᑎᓪᓗᒍ ᓄᓇᕗᒻᒥ ᑎᓯᐱᕆ 20, ᓰᐱᓰ ᐅᑭᐅᖅᑕᖅᑐᖅ ᐱᔨᑦᑎᕋᖅᓯᒪᔪᑦ ᐃᒻᒥᒃᑯ ᑦ ᓂᕈᐊᖅᑕᐅᒐᓱᐊᕐᑐᓂᑦ ᐃᓱᐊᓈᕈᑎᔅᓴᓂᒃ ᑭᐅᓂᐊᕐᓗᑎᒃ ᓇᐃᓈᖅᑐᓂᒃ ᑭᐅᔾᔪᑎᒃᓴᓂᑦ ᐊᐱᖅᓲᑎᓂᑦ ᖃᕋᓴᐅᔭᒃᑯᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ. ᐊᐱᕆᔭᐅᓯᒪᔪᑦ ᐊᐱᖅᓲᑎᓂᑦ ᐱᔾᔪᑎᒋᔭᖏᓐᓂᑦ ᓯᕗᓪᓕᐅᑎᑕᐅᔭᕆᐊᖃᖅᑐᓄᑦ, ᐊᑐᕐᓂᐊᖅᑕᖏᑦ ᐊᒻᒪᓗ ᐃᓱᒪᒃᓴᖅᓯᐅᕈᑎᒋᔭᖏᓐᓂᑦ.
ᓂᕈᐊᖅᑕᐅᒐᓱᐊᖅᑐᑦ ᐊᐱᕆᔭᐅᓯᒪᔪᑦ ᐸᕐᓇᒃᓯᒪᒻᒪᖔᑕ ᕿᒥᕐᕈᐊᕐᓱᑎᒃ ᒐᕙᒪᕐᔪᐊᒃᑯᑦ ᑲᑎᒪᔨᐅᓂᕐᒧᑦ ᐃᖅᑲᓇᐃᔭᖅᑎᐅᓂᕐᒧᑦ ᐅᕝᕙᓘᓐᓃᑦ ᓯᕗᓕᖅᑎᐅᓂᕐᒧᑦ, ᓂᕈᐊᖅᑕᐅᓐᓂᖅᐸᑕ.
ᓰᐱᓰ ᖃᐅᔨᒋᐊᖅᓯᒪᔪᑦ ᖃᕋᓴᐅᔭᒃᑯᑦ ᓂᕈᐊᖅᑕᐅᒐᓱᐊᖅᑐᓂᑦ ᑎᑎᕋᖅᓯᒪᔪᓂᒃ , ᐱᓇᓱᐊᖅᑕᖏᑦ ᑐᑭᓯᐊᔾᔪᑎᒃᓴᐃᑦ ᐊᒻᒪᓗ ᐃᓄᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᑦ ᒪᑉᐱᒐᖏᓐᓂᑦ ᑲᑎᖅᓱᐃᓂᐊᕐᓗᒋᑦ ᑎᑎᕋᖅᑕᐅᓯᒪᔪᓂᑦ.
ᓂᕈᐊᖅᑕᐅᒐᓱᐊᖅᑐᑦ ᑭᐅᔾᔪᑎᖏᑦ ᐋᖅᑭᒋᐊᖅᑕᐅᓯᒪᔪᑦ ᑐᑭᓯᓇᑦᑎᐊᖁᓪᓗᒋᑦ ᐊᒻᒪᓗ ᑕᑭᓈᕐᓂᖏᓐᓄᑦ.
ᓇᕿᓪᓗᒍ ᓂᕈᐊᖅᑕᐅᒐᓱᐊᕐᓂᕐᒧᑦ ᐊᑖᓂ ᑕᑯᓂᐊᕐᓗᑎᑦ ᖃᓄᖅ ᓂᕈᐊᖅᑕᐅᒐᓱᒃᑑᑉ ᐅᖃᐅᓯᖃᕐᒪᖔᑕ.
ᐃᓚᒋᐊᖃᑦᑕᕐᓂᐊᖅᑐᒍᑦ ᑭᐅᔭᐅᔪᓂᑦ ᑎᑭᕝᕕᐅᖃᑦᑕᖅᑎᓪᓗᑕ.
ᑎᑭᕋᕐᔪᐊᖅ ᓂᕈᐊᖅᑕᐅᒐᓱᐊᖅᑐᑦ ᑕᓪᓕᒪᓂᑦ ᓂᕈᐊᖅᑕᐅᒐᓱᐊᕐᓂᕐᒧᑦ − ᐊᕐᕕᐊᑦ ᑭᑎ − ᑎᑭᕋᕐᔪᐊᖅ (ᔮᓐ ᒦᓐ), ᐊᕐᕕᐊᑦ ᑭᕙᑎ (ᔫ ᓴᕕᑲᑖᖅ), ᐸᖕᓂᖅᑑᖅ (ᒪᒍᕆᑦ ᓇᑲᓱᒃ), ᑭᕙᑎ ᕿᑭᖅᑖᓗᒃ (ᑕᐃᕕᑎ ᔪᐊᓇᓯᔪ) ᐊᒻᒪᓗ ᖁᑦᑎᒃᑐᑦ (ᑕᐃᕕᑎ ᐊᕿᐊᕈᖅ). ᓰᐱᓰ ᑎᑎᕋᓚᙱᑦᑐᑦ ᑎᑎᕋᖅᓯᒪᔪᓂᑦ ᑖᒃᑯᓄᖓ ᓂᕈᐊᖅᑕᐅᒐᓱᐊᖅᑐᓄᑦ.