ᐆᒃᑐᕋᓱᐊᖅᑐᑦ: ᐃᖃᓗᐃᑦ−ᑕᓯᓗᒃ
ᐃᖅᑲᓇᐃᔭᖅᑎᑦ ᒥᓂᔅᑕ ᒪᓕᒐᓕᕆᕝᕕᒃ ᑕᑯᔪᑦ ᐱᖓᓱᓂᑦ ᐊᑭᕋᕇᒐᓱᐊᕐᑐᓂᑦ
ᐃᖃᓗᐃᑦ−ᑕᓯᓗᑦ ᑎᒍᓯᔪᑦ ᕼᐋᐱ ᕚᓕ ᓄᓇᓕᕋᓛᖓᓂᑦ ᐊᒻᒪᓗ ᓄᑖᖑᓂᖅᓴᐃᑦ ᓴᖅᑭᕙᓪᓕᐊᔪᑦ ᐊᑐᖅᑕᐅᔪᑦ ᑕᑉᐸᐅᖓᑐᐃᓐᓇᖅ ᐊᑐᕆᐊᑦ, ᐊᖏᕐᕋᕆᔭᐅᔪᑦ ᐊᒥᓱᓄᑦ ᓄᓇᓕᑖᖅᑐᓄᑦ ᐊᒻᒪᓗ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ.
ᕼᐋᐱ ᕚᓕ ᓄᑖᖑᙱᓐᓂᖅᓴᐅᔪᖅ ᐊᒻᒪᓗ ᐃᓅᓯᕆᔭᐅᔪᑦ ᐊᒻᒪᓗ ᑮᓇᐅᔭᓕᐅᕐᓂᕆᔭᐅᔪᑦ ᐊᔾᔨᒌᙱᑦᑐᒃᑯᑦ; ᐃᓚᖃᕐᑐᑦ ᑯ ᐊᑉ ᐊᒻᒪᓗ ᑭᒃᑯᑐᐃᓐ ᓇᓄᑦ ᐃᒡᓗᓕᕆᓂᕐᒧᑦ ᐊᒻᒪᓗ ᐊᒥᓱᑦ ᓇᒻᒥᓂᖃᖅᑐᑦ ᐃᒡᓗᓂᑦ.
ᑖᔅᓱᒪ ᓂᕈᐊᖅᑕᐅᒐᓱᐊᕐᓂᕐᒧᑦ ᔩᒻᔅ ᐋᕆᐊᒃ, ᔭᓇᑕᓐ ᑦᓱ−ᕼᐃ ᒥᓐ ᐹᒃ, ᐊᒻᒪᓗ ᒪᐃᑯ ᓴᓚᒨᓂ ᐆᑦᑐᕋᓱᐊᖅᑐᑦ ᓂᕈᐊᒐᒃᓴᐅᓂᕐᒧᑦ ᒥᓂᔅᑕ ᒪᓕᒐᓕᕆᕝᕕᒻᒧᑦ ᔪᐊᔾ ᕼᐃᒃᔅᒥᑦ.
ᓰᐱᓰ ᖃᐅᔨᒋᐊᖅᓯᒪᔪᑦ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ ᑎᑎᕋᖅᓯᒪᔪᓂᑦ ᐊᐱᖅᓲᑎᓂᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ ᓂᕈᐊᖅᑕᐅᒐᓱᐊᖅᑐᑉ ᓇᒻᒥᓂᕆᔭᖓᓂᑦ ᖃᕋᓴᐅᔭᓕᕆᓂᕐᒧᑦ ᓂᕈᐊᖅᑕᐅᒐᓱᐊᕐᓂᕐᒧᑦ ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ ᐊᒻᒪᓗ ᑐᑭᓯᐊᔾᔪᑎᒃᓴᖏᓐᓄᑦ.
ᔩᒻᔅ ᐋᕆᐊᒃ
ᐃᓅᓚᐅᕐᓯᒪᔪ ᐃᒡᓗᓕᒥᑦ ᐊᒻᒪᓗ ᐱᕈᖅᓴᖅᑐᓂ ᒥᑦᑎᒪᑕᓕᒻᒥ, ᔩᒻᔅ ᐋᕆᐊᒃ ᖁᑦᑎᓂᓕ 12 ᐃᓕᓐᓂᐊᕌᓂᒃᓯᒪᔪ ᐊᑲᐃᑦᓱ ᑐᔪᕐᒥᓚᐅᕐᓯᒪᔪ ᐃᓕᓐᓂᐊᕐᕕᒻᒥ ᔭᓗᓇᐃᒥ.
ᐋᕆᐊᒃ ᑎᒍᒥᐊᖅᑐᖅ ᖁᑦᑎᑦᑐᒃᑯᑦ ᐸᐃᑉᐹᓂᒃ ᐃᓕᑕᕆᔭᐅᓂᕐᒧᑦ ᓇᒻᒥᓂᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐊᒻᒪᓗ ᖁᑦᑎᑦᑐᒃᑯᑦ ᐃᓕᓐᓂᐊᖅᓯᒪᓂᖅ ᐊᐅᓚᑦᑎᓕᕆᓂᕐᒧᑦ ᐊᒻᒪᓗ ᓇᒻᒥᓂᖃᖅᑐᓄᑦ ᐊᐅᓚᑦᑎᓕᕆᓂᕐᒧᑦ.
ᐱᔨᑦᑎᕋᕐᓯᒪᔪᖅ ᐃᑲᔪᖅᑎᐅᓪᓗᓂ ᑭᒡᒐᖅᑐᐃᔨ ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᐊ ᐅᓚᑦᑎᔨᒻᒪᕆᐅᓪᓗᓂ ᑲᑐᔾᔨᖃᑎᒌᖑᔪᑦ ᓄ ᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᑎᒥᖁᑎᒃᑯᖏᓐᓂ, ᐊᖏᔪᖅᑳᖅ ᓄᓇᕗᑦ ᑮᓇᐅᔭᓕᕆᓂᕐᒧᑦ ᑲᑎᒪᔩᑦ, ᐊᐅᓚᑦᑎᔨᒻᒪᕆᒃ ᓄᓇᕗᑦ ᑐᙵᕕᒃ ᑎᒥᖁᑎᖏᑦ ᐊᒻᒪᓗ ᐊᐅᓚᑦᑎᔨᐅᓪᓗᓂ ᐅᑭᐅᑕᒫᑦ ᐸᕐᓇᓐᓂᕐᒧᑦ ᓄᓇᕗᑦ ᑮ ᓇᐅᔭᓕᕆᔨᒃᑯᓐᓂ.
ᑎᒍᒥᐊᖃᑕᐅᔪᖅ 24 ᐅᑭᐅᓂᖅ ᐊᓯᖏᓐᓂ ᑲᑎᒪᔨᐅᓪᓗᓂ ᐃᓕᓯᒪᔪᖅ ᐊᒻᒪᓗ ᐃᓕᓴᐃᔨᐅᓪᓗᓂ ᐃᖃᐃᓕᓴᕐᓂᕐᒧᑦ ᐊᒃᓴᒃᑯᑦ ᐱᙳᐊᕐᓂᕐᒧᑦ
"ᐃᑉᐱᒍᓱᒃᑐᖓ ᐃᖃᓗᒻᒥᐅᓂᑦ ᐊᒻᒪᓗ ᓄᓇᕗᑦ, ᑕᐃᒫ ᐊᑐᕈᒪᔪᖓ ᐃᓕᓯᒪᓂᒃᑲ ᐊᒻᒪᓗ ᐊᔪᙱᔾᔪᑎᒃᑲ ᐱᔨᑦᑎᕋᕐᓂᐊᕐᓗᒋᑦ ᐃᓄᐃᑦ," ᐋᕆᐊᒃ ᐅᖃᖅᑐᖅ.
ᐊᖏᖅᐹᒃᑯᑦ ᐊᑲᐅᙱᓕᐅᕈᑕᐅᔪᖅ ᓂᕈᐊᒐᒃᓴᐅᒐᓱᐊᓂᕐᒧᑦ: ᐊᑭᑦᑐᕆᐊᖅᓯᒪᔪᑦ "ᒐᕙᒪᑦ ᐱᒋᐊᕈᑎᖃᙱᓐᓂᖏᓐᓄᑦ" ᐃᓄᐃᑦ ᐱᖃᕆᐊᖃᕐᓂᖏᓐᓄᑦ ᐃᑲᔪᖅᑕᐅᓗᑎᒃ ᐊᒻᒪᓗ ᐱᔨᑦᑎᕋᐅᑎᓄᑦ, ᐊᒻᒪᓗ ᑭᒃᑯᑐᐃᓐᓇᕐᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ.
ᐋᕆᐊᒃ ᐅᖃᒃᑲᓪᓂᕐᑐ ᐱᔨᑦᑎᕋᕐᓂᐊᕐᓗᓂᓗ ᐱᔪᓐᓇᐅᑎᒃᓴᓂᑦ ᐱᔨᑦᑎᕋᖅᑕᐅᔪᓄᑦ ᓲᖃᐃᒻᒪ "ᐃᖃᓗᐃᑦ−ᑕᓯᓗ ᓄᓇᓖᑦ ᑐᓴᖅᓯᒪᙱᑦᑐᑦ ᒥᓂᔅᑕᒋᔭᐅᔪᒥᑦ ᒪᓕᒐᓕᕆᓂᕐᒧᑦ ᐊᒥᓱᓂᑦ ᐅᑭᐅᖑᓕᖅᑐᓂᑦ."
ᐊᖏᓂᖅᐹᖅ ᐊᑲᐅᙱᓕᐅᕈᑕᐅᔪᖅ ᓄᓇᕗᒻᒥᐅᑕᓄᑦ ᐊᑕᖏᕐᓗᒍ ᐃᓚᒋᔭᐃᑦ ᐃᒡᓗᓕᕆᓂᕐᒧᑦ, ᐱᖃᓗᐊᙱᓐᓂᖓ ᓴᓇ ᕝᕕᓂᒃ ᓄᓇᕗᓕᒫᒥ, ᐊᒻᒪᓗ ᐊᑐᓕᖁᔭᐅᓯᒪᔪᑦ ᑎᑎᕋᖅᓯᒪᔪᖅ ᒪᓕᒐᖅ 23 ᓄᓇᕗᑦ ᐊᖏᕈᑎᖏᓐᓂ ᐱᕚᓪᓕᕆᐊᕐᓗᒋᑦ ᐃᓄᐃᑦ ᐃᓚᒋᔭᐅᓂᕐᒧᑦ ᒐᕙᒪᒃᑯᓐᓂ.
ᔪᐊᔾ ᕼᐃᒃᔅ
ᐃᓅᓚᐅᕐᓯᒪᔪ ᑦᓱᑦᓱ ᒫᓂᑐᐸ, ᔪᐊᔾ ᕼᐃᒃᔅ ᐃᖃᓗᓐᓄᑦ ᓅ ᓚᐅᕐᓯᒪᔪᖅ 2004−ᖑᑎᓪᓗᒍ ᓄᓕᐊᖓᓄᑦ ᐱᕈᖅᓴᐃᓂᐊᖅᑐᑎᒃ ᒪᕐᕉᒃ ᓄᑕᕋᖏᑦ ᓄᑲᖅᓕᖅᐹᒃ ᐸᓃᒃ.
ᐃᓕᓐᓂᐊᕈᑎᒃᓴᖃᖅᑐᓂ ᖃᐅᔨᒪᓂᒃᑯᑦ ᑮᓇᐅᔭᓕᕆᓂᕐᒧᑦ ᐊᒻᒪᓗ ᓇᒻᒥᓂᖃᕐᓂᕐᒧᑦ ᐃᓕᓯᒪᓂᖅ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᐅᑎᓕᕆᓂᕐᒧᑦ, ᕼᐃᒃᔅ ᐱᐊᓂᒃᓯᒪᔪᖅ ᒐᕙᒪᑦ ᓄᓇᕗᑦ ᐱᕚᓪᓕᕐᓂᕐᒧᑦ ᐊᐅᓚᑦᑎᓕᕆᓂᕐᒧᑦ ᐱᓕᕆᐊᒃᓴᓂᑦ ᒫᓐᓇᐅᔪ ᖃᐅᔨᒪᔭᐅᖅ ᕼᐃᕗᓕᖅᑎᒃᕼᐊᓄᑦ ᐊᐅᓚᑦᑎᓂᖅ ᓴᖅᑭᑎᑦᑎᓂᕐᒧᑦ ᐱᓕᕆᐊᒃᓴᐃᑦ 2007−ᖑᑎᓪᓗᒍ.
ᓂᕈᐊᖅᑕᐅᖅᑳᖅᑎᓐᓇᒍ ᒥᓂᔅᑕᐅᓂᕐᒧᑦ ᒪᓕᒐᓕᕆᕝᕕᒻᒥ 2013-ᖑᑎᓪᓗᒍ, ᕼᐃᒃᔅ ᐃᖅᑲᓇᐃᔭᖅᓯᒪᔪᖅ ᑮᓇᐅᔭᓕᕆᓂᕐᒧᑦ, ᐊᑐᐊᒐᓕᕆᓂᕐᒧᑦ ᐊᒻᒪᓗ ᒐᕙᒪᓕᕆᓂᕐᒧᑦ ᐊᕕᒃᓯᒪᔪᓂ ᓄᓇᓕ ᒥ ᒐᕙᒪᒃᑯᓐᓂ. ᓂᕈᐊᖅᑕᐅᕌᓂᒃᑎᓪᓗᒍ, ᐱᔨᑦᑎᕋᖅᓯᒪᔪᖅ ᒥᓂᔅᑕᐅᓂᕐᒧᑦ ᐊᔾᔨᒌᙱᑦᑐᓂᑦ ᑎᑎᕋᖅᓯᒪᔪᓂᑦ, ᐃᓚᒋᓗᒋᑦ ᒥᓂᔅᑕᓕᕆᓂᖅ ᐱᔾᔪᑎᒋᔭᖏᑦ ᖁᓪᓕ ᐅᐊᔭᐅᑎᓕᕆᓂᕐᒧᑦ ᑎᒥᖁᑎᒃᑯᑦ, ᓄᓇᕗᑦ ᐃᒡᓗᓕᕆᔨᕐᔪᐊᒃᑯᑦ, ᐊᒻᒪᓗ ᐋᓐᓂᐊᖅᑐᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐊᒻᒪᓗ ᐃᖅᑲᖅᑐᐃᔨᓕᕆᓂᕐᒧᑦ ᐊᓪᓚᕝᕕᖏᓐᓂᑦ.
ᕼᐃᒃ ᔅ ᐅᖃᖅᑐᖅ ᑲᔪᓯᔪᒪᓂᖓᓄᑦ ᒥᓂᔅᑕᐅᓂᒃᒧᑦ, ᑭᓯᐊᓂ ᕿᒥᕐᕈᐊᙱᑦᑐᖅ ᓯᕗᓕᕐᑎᐅᓂᕐᒧᑦ.
ᕼᐃᒃᔅ ᐱᔨᑦᑎᕋᖃᑕᐅᓯᒪᔪᑦ ᐊᑭᓕᖅᑕᐅᓇᓂ ᐃᖅᑲᓇᐃᔭᖅᑎ ᐃᑭᑦᑐᓕᕆᔨᒃᑯᓐᓄᑦ, ᑲᑎᒪᔨ ᐅᓇᑕᖅᑐᒃᓴᓄᑦ ᐊᒻᒪᓗ ᒥᑭᓂᕐᓴᓄᑦ ᕼᐋᑭᖅᑎᓄᑦ ᑲᒪᔨ.
ᑲᐅᒃᑐᖃᑦᑕᖅᑎᓪᓗᒍ ᒪᑐᒋᔭᐅᔪᓄᑦ, ᑐᓴᖅᓯᒪᔪᖅ ᓄᕙᒡᔪᐊᕐᓇᖅ-19 ᐋᓐᓂᐊᕐᓇᖅ ᐃᓱᒫᓘᑎᒋᔭᐅᔪᓂᒃ, ᐃᒡᓗᓕᕆᓂᕐᒧᑦ, ᐱᓕᒻᒪᒃᓴᐃᓂᖅ ᐃᓱᐊᓈᕈᑎᒃᓴᓂᑦ ᐃᓄᓐᓄᑦ, ᒪᕐᕈᐃᓕᖓᔪᒃᑯᑦ ᐃᓄᒃᑎᑐᑦ ᐃᓕᓐᓂᐊᕐᓂᖅ ᐊᒻᒪᓗ ᐅᐊᔭᐅᑎᓕᕆᓂᕐᒧᑦ ᐊᑭᖏᓐᓂᑦ.
"ᑭᒃᑯᑐᐃᓐᓇᕐᓄᑦ ᐊᑦᑕᕐᓇᖅᑕᐃᓕᒪᓂᖅ ᐊᒻᒪᓗ ᒥᐊᓂᕆᓂᖅ ᐃᓐᓇᕆᔭᐅᔪᓂᑦ ᐱᒻᒪᕆᐅᖃᑕᐅᔪᑦ ᐊᑲᐅᙱᓕᐅᕈᑕᐅᔪᑦ ᐊᒥᓱᓄᑦ ᐃᓄᓐᓄᑦ, ᑕᐃᒫᒃ ᐅᑉᐱᕆᔭᒃᑲ ᐱᔾᔪᑎᒋᔭᐅᔪᓐᓇᕐᓂᖅ ᐱᕚᓪᓕᕆᐊᕐᓗᒋᑦ ᐊᐃᑉᐸᕆᔭᐅᓂᐊᖅᑐᓄᑦ ᒐᕙᒪᓕᕆᔭᑦᑎᓐᓄᑦ, " ᕼᐃᒃᔅ ᐅᖃᖅᑐᖅ.
ᓴᖅᑭᑎᑦᑎᓂᖅ ᒥᐊᓂᕆᔭᐅᔪᒃᓴᓂᖅ ᖃᓂᓐᓂᖅᓴᒃᑯᑦ ᐊᖏᕐᕋᒥ (ᐋᓐᓂᐊᖅᑐᓕᕆᓂᖅ, ᐃᓐᓇᕐᓂᑦ ᒥᐊᓂᖅᓯᓂᖅ, ᐋᖓᔮᕐᓇᖅᑐᓄᑦ ᓄᖅᑲᕈᓐᓇᐃᓪᓕᔪᓂᑦ ᐊᒻᒪᓗ ᐃᓱᒪᓕᕆᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ) ᐊᒻᒪᓗ ᐃᖅᑲᓇᐃᔭᕐᓗᓂ ᐊᒥᓱᒃᑲᓐᓂᕐᓂᑦ ᐊᒻᒪᓗ ᐱᐅᓂᖅᓴᓂᑦ ᐃᒡᓗᓕᕆᓂᕐᒧᑦ ᓯᕗᓪᓕᐅᑎᑦᑎᒐᔭᖅᑕᖏᑦ.
ᔭᓇᑕᓐ ᑦᓱ−ᕼᐃ ᒥᓐ ᐹᒃ
ᔭᓇᑕᓐ ᐹᒃ ᐃᑲᔪᖅᓯᔨᐅᔪ ᓄᓇᖃᖅᑐᓂᑦ ᑲᖏᖅᖠᓂᕐᒥ ᑕᐃᒪᖓᑦ 2013-ᒥᑦ ᐊ ᒻᒪᓗ ᐃᖃᓗᓐᓂ 2018 ᐱᒋᐊᖅᑐᒍ.
ᓄᑖᖅ ᓄᓇᓕᖃᖅᑐᖅ ᐊᕕᒃᓯᒪᔪᓂ ᓄᓇᓖᑦ ᒐᕙᒪᓕᕆᓂᕐᒧᑦ, ᐹᒃ ᐅᖃᖅᑐᖅ ᓂᕈᐊᖅᑕᐅᒐᓱᐊᕐᓂᖅ ᒥᓂᔅᑕᐅᓂᕐᒧᑦ ᒪᓕᒐᓕᕆᕝᕕᒻᒥ ᐊᒥᓱᓂᒃ ᐃᓱᒪᒃᓴᖅᓯᐅᕈᑎᖃᕐᓂᖓᓄᑦ ᐱᕚᓪᓕᕆᐊᕐᓗᒋᑦ ᐃᓅᓯᕆᔭᐅᔪᑦ ᓄᓇᕗᒻᒥ.
ᐊᓯᐊᒍᑦ ᑐᕌᒋᔭᖏᑎᒍᑦ, ᐹᒃ ᐱᔪᒪᓪᓚᒃᑐᖅ ᐊᔾᔨᒌᒋᐊᕋᓱᐊᕐᓗᒋᑦ ᐱᖃᖅᑐᓂᑦ ᐊᒻᒪᓗ ᐱᑕᖃᙱᑦᑐᓂᑦ ᐃᖃᓗᓐᓂ. ᑎᑭᓪᓗᒍ, ᑕᑯᔪᒪᔪᖅ ᐊᑐᖅᑕᐅᔪᑦ ᐃᓅᓯᕆᔭᐅᔪᑦ ᑮᓇᐅᔭᓕᕆᓂᕐᒧᑦ ᐊᑭᓕᖅᑕᐅᔪᓂᑦ ᓴᖅᑭᑎᑕᐅᓗᑎᒃ ᐊᕕᒃᓯᒪᔪᒥ ᓄᓇᓕᖕᓂ.
"ᐅᑉᐱᕈᓱᒃᑐᖓ ᒐᕙᒪᒃᑯᑦ ᑕᐃᒪᐅᔪ ᑦ ᓇᓗᓇᐃᔭᐃᑦᑎᐊᕐᓗᑎᒃ ᓄᓇᓕᒥ ᓴᙱᓂᖃᕐᓂᕐᒧᑦ ᐊᒻᒪᓗ ᒥᐊᓂᕆᓗᒋᑦ ᐃᓄᓕᒫᓄᑦ ᐊᑕᐅᓯᒃᑯᑦ," ᐅᖃᖅᑐᖅ ᐃᓅᖃᑎᒌᒃᑐᓄᑦ ᑐᓴᒐᒃᓴᓕᕆᓂᒃᑯᑦ. "ᐱᔪᓐᓇᐅᑎᑕᖃᓗᒃᑖᖅᑐᒍᑦ ᑕᐃᒪᐅᓪᓚᕆᓐᓂᕐᒧᑦ, ᑭᓯᐊᓂ ᐃᓅᔪᒍᑦ ᐋᖅᑭᒃᓯᒪᔪᒃᑯᑦ ᑕᐃᒪᐅᔪᑦ ᑮᓇᐅᔭᓕᐅᓗᐊᙱᑦᑐᓂᑦ ᐅᕝᕙᓘᓐᓃᑦ ᒥᑭᓐᓂᖅᓴᒃᑯᑦ ᑕᑯᓐᓇᐅᑎᒋᔭᐅᓂ ᑕᐃᒪᐅᓂᕐᒧᑦ ᐃᓅᓗᓂ ᐊᑐᐃᓐᓇᐅᙱᑦᑐᒃᑯᑦ. ᐅᑉᐱᕈᓱᒃᑐᖓ ᐊᓯᙳᕆᐊᖃᕐᓂᐅᔪᑦ ᐋᖅᑭᒃᓯᒪᔪᓂᑦ ᐊᑕᖏᕐᓂᐊᕐᓗᒋᑦ ᐱᐅᓂᕆᔭᐅᔪᒃᑯᑦ ᐃᓄᓐᓄᑦ ᐊ ᒻᒪᓗ ᕿᒥᕐᕈᐊᖅᑐᑦ ᐱᒋᐊᕈᑎᒃᓴᒃᑯᑦ ᐊᒻᒪᓗ ᐊᑐᐊᒐᒃᑯᑦ ᐱᔨᑦᑎᕋᖅᑐᑦ ᐃᓄᓐᓂᑦ ᑭᓯᐊᓂᐅᙱᑦᑐᖅ ᐋᖅᑭᒃᓯᒪᔪᒃᑯᑦ."
ᓂᕈᐊᖅᑕᐅᒍᒪ, ᐅᖃᖅᑐᖅ ᑭᒡᒐᖅᑐᐃᓂᐊᖅᑐᖅ ᐱᒋᐊᒃᑲᓐᓂᕐᓗᒋᑦ ᐃᑲᔪᕐᓗᒋᑦ ᑮᓇᐅᔭᓕᐅᕈᑕᐅᙱᑦᑐᒃᑯᑦ ᑲᑐᔾᔨᖃᑎᒌᖑᔪᓂᑦ ᐆᑦᑑᑎᒋᓗᒍ ᖃᔪᖅᑐᕐᕕᒃ.
"ᐃᑲᔪᖅᑎᒌᒋᐊᖃᕐᑐᒍᑦ ᓄᖅᑲᕈᒪᒍᑦᑎᒍᑦ ᓂᕿᓕᕆᓂᕐᒧᑦ ᐊᑦᑕᕆᔭᐅᔪᓄᑦ ᓄᓇᕗᒻᒥ," ᐹᒃ ᐅᖃᖅᑐᖅ.
ᐱᕚᓪᓕᕆᐊᕐᓗᒋᑦ ᐃᒡᓗᓕᕆᓂᕐᒧᑦ ᐊ ᑕᐅᓯᖅ ᓯᕗᓪᓕᐅᑎᓇᔭᖅᑕᖏᑦ ᓂᕈᐊᖅᑕᐅᒐᓱᐊᖅᑎᓪᓗᒍ ᐊᒻᒪᓗ ᐊᕕᒃᓯᒪᔪᒥ ᓄᓇᓕᓕᒫᓂ.
ᓂᕈᐊᖅᑕᐅᓯᒪᓂᕐᒧᑦ, ᐊᑦᑕᕐᓇᖅᑕᐃᓕᒪᓂᖅ ᐊ ᑲᐅᓈᕐᓂᖅᓴᒃᑯᑦ ᐃᒪᑦᑎᐊᕙᒻᒥ ᐱᒻᒪᕆᐅᖃᑕᐅᔪᖅ, ᑕᐃᒪᓐᓇ ᐅᖃᖅᑐᖅ.
ᒪᐃᑯ ᓴᓚᒨᓂ
ᒪᐃᑯ ᓴᓚᒨᓂ ᑎᒍᒥᐊᖅᑐᖅ ᓄᓇᒥ ᐃᓕᓐᓂᐊᖅᓯᒪᓂᕐᒧᑦ ᑐᓂᔭᐅᓯᒪᔪᖅ ᑕᒻᒫᕐᕕᒻᒥ ᑕᓯᐅᔭᕐᔪᐊᒥ, ᕿᑎᐊᓂ ᑭᙵᕐᓂᑦ, ᑐᙵᕝᕕᒋᔭᐅᔪᖅ ᐃᓄᒃᑎᑑᓲᓂᖓᓄᑦ ᐊᒻᒪᓗ "ᐱᔪᒪᓂᕋ ᓄᓇᒦᓐᓂᕐᒧᑦ," ᑕᐃᒪᓐᓇ ᐅᖃᖅᑐᖅ.
ᐃᓕᓐᓂᐊᕌᓂᒃᓯᒪᑎᓪᓗᒍ ᑭᙵᕐᓂ ᐃᓕᓐᓂᐊᕆᐊᓚᐅᕐᑎᒪᔪ ᐊᕈᐊᕋ ᓯᓚᑦᑐᖅᓴᕐᕕᒻᒧᑦ ᕗᐊᑦ ᔅᒥᑦᒥ ᐊᒻᒪᓗ ᐳᑭᖅᑕᓕᐅᓂᕐᒧᑦ ᐃ ᓕᓐᓂᐊᕐᓂᖅ.
ᒪᓕᑦᑐᒍ 12 ᐅᑭᐅᑦ ᐳᑭᖅᑕᓕᐅᓚᑉᓯᒪᔪᖅ ᓄᓇᕗᒻᒥ ᐊᒻᒪᓗ ᓴᔅᑳᑦᑐᕙᓐᒥ. ᐅᕙᑦᑎᐊᕈ ᐃᖅᑲᓇᐃᔭᖅᑐᓂ ᓄᓇᓕᐸᐅᔭ ᐃᖃᓗᓐᓂ, ᓂᐅᕕᐊᒃᓴᓕᕆᓂᕐᒧᑦ ᐊᐅᓚᑦᑎᔨ ᓄᓇᕗᑦ ᒐᕙᒪᒃᑯᓐᓂ, ᐊᒻᒪᓗ ᓰᐱᓰ ᓄᓇᕗᑦ, ᐃᓱᒪᑕᐅᓕᖅᑐᓂ ᑐᓴᒐᒃᓴᓕᕆᓂᕐᒧᑦ ᒐᕙᒪᑦ ᓄᓇᕗᑦ ᐃᓕᖅᑯᓯᓕᕆᔨᒃᑯᑦ ᐊᒻᒪᓗ ᐃᑦᑕᕐᓂᑕᓕᕆᔨᒃᑯᑦ ᐊᓪᓚᕝᕕᐊᓄᑦ.
ᒫᓐᓇᓵᖅ ᐃᖅᑲᓇᐃᔭᖅᓯᒪᔪᑦ ᐃᓱᒪᑕᐅᓪᓗᓂ ᐃᓄᐃᑦ ᐅ ᖃᐅᓯᖏᑎᒍᑦ ᓂᐅᕕᐊᒃᓴᓕᕆᓂᖅ ᐊᒻᒪᓗ ᓄᓇᓕᐸᐅᔭᖅ ᐃᖃᓗᐃᑦ ᐃᖅᑲᓇᐃᔭᑲᐃᓐᓇᖅᑐᓂ ᐅᖄᓚᐅᑎᓕᕆᓪᓗᓂ ᑐᐊᕕᕐᓇᖅᑐᓄᑦ ᐱᔨᑦᑎᕋᐅᑎᓄᑦ.
ᓴᓚᒨᓂ, ᐃᑭᖃᖅᑕᖅᑐᓄᑦ ᖁᕕᐊᓲᑎᓕᕆᓂᕐᒧᑦ ᖃᐅᔨᒪᔨ, ᑲᒪᔨᐅᓯᒪᔪᖅ ᒥᑭᓂᖅᓴᓄᑦ C ᐊᑦᑎᓐᓂᖃᖅᑐᑦ ᕼᐊᑭᖅᑎᓂᑦ ᐃᖃᓗᓐᓂ. ᒫᓐᓇᐅᔪᖅ ᑲᑎᒪᔨᐅᔪᖅ ᐃᖃᓗᐃᑦ ᕿᒻᒦᑦ ᑲᑎᒪᔨᖏᓐᓂ "ᐱᕚᓪᓕᕆᐊᕈᑎᒋᓗᒋᑦ ᐃᑲᔪᖅᑎᒌᓐᓂᕐᒧᑦ ᐃᓄᐃᑦ ᕿᒧᒃᓯᔨᓄᑦ ᓄᓇᒋᔭᑦᑎᓂ."
ᓯᕗᓪᓕᐅᑎᒋᔪᒪᔭᖏᑦ ᐃᓚᒋᔭᖏᑦ ᐃᑲᔪᕐᓗᓂ ᐃᓚᒌᒃᑐᓄᑦ ᐱᒋᐊᕈᑎᒋᓗᒋᑦ ᒐᕙᒪᓕᕆᓂᕐᒧᑦ ᐱᔨᑦᑎᕋᐅᑎᑦ, ᐱᕚᓪᓕᕆᐊᕐᓗᒋᑦ ᓱᕈᓯᓄᑦ ᒥᐊᓂᖅᓯᓂᖅ, ᐊᑕᖏᖅᑐᒃᑯᑦ ᐅᓪᓗᓕᒫᒧᑦ ᐃᓕᓐᓂᐊᓕᓵᖅᑐᓄᑦ ᑭᓐᑕᒑᑎᓐ ᐃᓕᓐᓂᐊᕐᓂᖅ ᐊᒻᒪ ᓗ ᐅᑎᖅᑎᓪᓗᒋᑦ ᐃᓐᓇᐃᑦ ᖃᓪᓗᓈᑦ ᓄᓇᓕᖏᓐᓂᑦ.
ᓴᙱᓂᖅᓴᒃᑯᑦ ᓄᓇᕗᒻᒥ ᑮᓇᐅᔭᓕᐅᕈᑕᐅᔪᓄᑦ, ᓴᓗᒨᓂ ᑕᑯᔪᒪᔪᖅ ᐊᕕᒃᓯᒪᔪᑦ ᓄᓇᓕᒥ ᑮᓇᐅᔭᓕᐅᕈᑕᐅᓗᑎᒃ ᑎᒻᒥᓲᓕᕆᓂᕐᒧᑦ, ᐱᓕᕆᐊᕆᓗᒋᑦ ᐱᔾᔪᑎᒋᔭᐅᔪᑦ ᐃᖃᓗᓕᕆᓂᕐᒧᑦ ᓚᐃᓴᓂᑦ ᐊᒻᒪᓗ ᐱᕚᓪᓕᕆᐊᕐᓗᒋᑦ ᐅᒥᐊᖅᑐᓕᕆᓂᕐᒧᑦ ᐃᓄᓐᓂᑦ ᐅᐸᖃᑦᑕᖅᑐᓂᑦ.