ᐆᑦᑐᕋᓱᐊᖅᑐᑦ: ᖃᒪᓂᑦᑐᐊᖅ

ᖃᒪᓂᑦᑐᐊᖅ (ᐃᓄᒋᐊᑦᑐᑦ 2,265) ᖃᓂᓛᖓᓪᓗᓂ ᓄᓇᓕᐅᔪᖅ ᒪᑐᐸᐃᖕᒃ ᒎᓗ ᐅᔭᕋᓐᓂᐊᕐᕕᖓᓄᑦ − ᓯᕗᓪᓕᖅᐹᖑᓪᓗᓂ ᐅᔭᕋᓐᓂᐊᕐᕕᒃ ᑕᐅᕙᓂ 25-ᓂᒃ ᐊᕐᕌᒍᓂᒃ. ᒪᓕᒐᓕᐅᕐᕕᒻᒥᑦ ᐅᖃᐅᓯᐅᓯᒪᔪᑦ ᐃᓱᒫᓘᑎᒋᔭᐅᔪᑦ ᐃᓚᖃᖅᓯᒪᔪᑦ ᐃᒥᑦᑎᐊᕆᓐᓂᖅᓴᐅᒋᐊᖃᕐᓂᖏᑦ ᐊᒻᒪ ᓄᓇᓕᖓᑕ ᐋᓐᓂᐊᕕᖓᓂ ᐃᖅᑲᓇᐃᔭᖅᑎᑕᖃᕐᓂᖅᓴᐅᓕᕐᓗᓂ.ᖃᒪᓂᑦᑐᐊᖅ (ᐃᓄᒋᐊᑦᑐᑦ 2,265) ᖃᓂᓛᖓᓪᓗᓂ ᓄᓇᓕᐅᔪᖅ ᒪᑐᐸᐃᖕᒃ ᒎᓗ ᐅᔭᕋᓐᓂᐊᕐᕕᖓᓄᑦ − ᓯᕗᓪᓕᖅᐹᖑᓪᓗᓂ ᐅᔭᕋᓐᓂᐊᕐᕕᒃ ᑕᐅᕙᓂ 25-ᓂᒃ ᐊᕐᕌᒍᓂᒃ. ᒪᓕᒐᓕᐅᕐᕕᒻᒥᑦ ᐅᖃᐅᓯᐅᓯᒪᔪᑦ ᐃᓱᒫᓘᑎᒋᔭᐅᔪᑦ ᐃᓚᖃᖅᓯᒪᔪᑦ ᐃᒥᑦᑎᐊᕆᓐᓂᖅᓴᐅᒋᐊᖃᕐᓂᖏᑦ ᐊᒻᒪ ᓄᓇᓕᖓᑕ ᐋᓐᓂᐊᕕᖓᓂ ᐃᖅᑲᓇᐃᔭᖅᑎᑕᖃᕐᓂᖅᓴᐅᓕᕐᓗᓂ.

ᑕᐅᕙᓂ ᓂᕈᐊᕋᑦᓴᐅᔪᑦ ᐃᓚᐃᔭ ᐊᒪᕈᖅ ᐊᒻᒪ ᑖᓂᐅᓪ ᐱᕐᔪᐊᖅ ᓂᕈᐊᕋᑦᓴᐅᒻᒥᔫᒃ ᓵᓚᖃᕋᓱᐊᖅᑑᒃ ᐃᓕᓯᒪᓚᐅᖅᑐᒥᒃ ᒍᕋᐃᒡ ᐊᑕᖓᓛᖅ ᓯᒪᐃᓚᒃ.

ᓰᐱᓰ ᖃᐅᔨᒋᐊᖅᓯᒪᔪᑦ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ ᑎᑎᕋᖅᓯᒪᔪᓂᑦ ᐊᐱᖅᓲᑎᓂᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ ᓂᕈᐊᖅᑕᐅᒐᓱᐊᖅᑐᑉ ᓇᒻᒥᓂᕆᔭᖓᓂᑦ ᖃᕋᓴᐅᔭᓕᕆᓂᕐᒧᑦ ᓂᕈᐊᖅᑕᐅᒐᓱᐊᕐᓂᕐᒧᑦ ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ ᐊᒻᒪᓗ ᑐᑭᓯᐊᔾᔪᑎᒃᓴᖏᓐᓄᑦ.

ᐃᓚᐃᔭ ᐊᒪᕈᖅ

ᐃᓚᐃᔭ ᐊᒪᕈᖅ ᐃᓅᓚᐅᖅᓯᒪᔪᖅ 1970-ᒥ ᐊᒻᒪ ᐱᕈᖅᓴᓯᒪᓪᓗᓂ ᖃᒪᓂᑦᑐᐊᖅ.

ᐃᓄᒃᑎᑑᑦᑎᐊᕈᓐᓇᖅᑐᓂ, ᒍᕋᐃᑦ 12-ᓂᒃ ᐃᓱᓕᑦᑎᓯᒪᓪᓗᓂ ᐆᒪᔪᕐᓂᐊᖅᑎᐅᓂᑰᔪᖅ ᐊᕙᑎᓕᕆᔨᒃᑯᓐᓂ, ᑎᑎᕋᖅᑎᒋᔭᐅᓂᑰᔪᖅ−ᐊᐅᓚᑦᑎᔨᐅᓯᓐᓈᑦ ᖃᒪᓂᑦᑐᐊᖅ ᐆᒪᔪᕐᓂᐊᖅᑎᒃᑯᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᐅᖅᓱᐊᓗᒻᒧᑦ ᐊᖁᑎᒋᔭᐅᓂᑰᓪᓗᓂ ᐊᒡᓃᑯ ᐄᒍ ᐅᔭᕋᕐᓂᐊᕐᕕᖓᓄᑦ ᐅᐸᑦᑕᐅᖃᑦᑕᖅᑐᒥᒃ.

ᒫᓐᓇᐅᔪᖅ ᐃᒥᖅᑕᐅᑎᒧᑦ ᐊᖁᑎᐅᔪᖅ ᖃᒪᓂᑦᑐᐊᖅ ᕼᐋᒻᒪᓚᒃᑯᖏᓐᓄᑦ.

ᑲᑎᒪᔨᐅᓂᑰᔪᖅ ᐊᔾᔨᒌᙱᑦᑐᓄᑦ ᑲᑎᒪᔨᕋᓛᓄᑦ ᖃᒪᓂᑦᑐᐊᕐᒥᑦ, ᑖᒃᑯᓄᖓᓗ ᐃᓕᓐᓂᐊᖅᑐᓕᕆᔨᒃᑯᓐᓂ, ᐃᓐᓇᑐᖃᐃᑦ ᐅᐸᑲᑦᑕᕐᕕᖓᓄᑦ ᐊᒻᒪ ᐃᓪᓗᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ. 

"ᒪᓕᒐᓕᐊᖅᑎᙳᓇᓱᑦᑐᖓ ᑲᒪᒋᔭᖃᕈᒪᓪᓗᓂ ᐊᒥᓱᓂᑦ ᓄᓇᓕᐅᑉ ᐊᑲᐅᙱᓕᐅᕈᑎᖏᓐᓂᒃ ᐊᒻᒪ ᐃᓱᒫᓘᑎᒋᔭᖏᓐᓂᒃ. ᓄᓇᓕᑦᑕ ᐊᑲᐅᙱᓕᐅᕈᑎᖏᑦ ᐅᕝᕙᓘᓐᓃᑦ ᐃᓱᒫᓘᑎᒋᔭᖏᑦ ᐃᓚᖃᖅᑐᑦ ᐃᓪᓗᑭᑦᓴᓗᐊᕐᓂᕐᒥᑦ, ᐃᓕᓐᓂᐊᕐᓂᓕᕆᓂᕐᒧᑦ ᐃᓱᒫᓘᑏᑦ ᐊᒻᒪ ᐃᓱᒪᓕᕆᓂᕐᒥᑦ," ᐅᖃᖅᑐᖅ. "ᓄᓇᕗᑦ ᐊᑦᓱᒻᒪᕆᐊᓗᒃ ᐃᓪᓗᑭᑦᓴᓗᐊᖅᑐᖅ ᑕᒪᓐᓇᓗ ᓄᓇᕗᒻᒥ ᐃᓱᒫᓘᑎᒋᔭᐅᓪᓚᕆᑦᑐᖅ."

ᑖᓂᐅᓪ ᐱᕐᔪᐊᖅ

ᓰᐲᓰ−ᑯᑦ   ᓱᓕ  ᑐᓴᓚᐅᖏᑦᑐ   ᑐᓴᖅᑕᐅᔭᕆᐊᓕᖕᓂᑦ 

ᒍᕋᐃᒡ ᐊᑕᖓᓛᖅ ᓯᒪᐃᓚᒃ (ᐃᓕᓯᒪᓚᐅᖅᑐᖅ)

ᒍᕋᐃᒡ ᐊᑕᖓᓛᖅ ᓯᒪᐃᓚᒃ ᓂᕈᐊᖅᑕᐅᓚᐅᖅᑐᖅ ᐃᓕᔭᐅᑐᐃᓐᓇᖅᑐᓂ ᔪᓚᐃ 2020-ᒥ ᑭᒡᒐᖅᑐᐃᓂᐊᕐᓗᓂ ᖃᒪᓂᑦᑐᐊᕐᒥᑦ ᑕᓪᓕᒪᖓᓂ ᒪᓕᒐᓕᐅᕐᕕᒻᒥᑦ ᓄᓇᕗᒻᒥ ᓯᒥᐅᓐ ᒥᑭᙳᐊᒃ ᓄᖅᑲᓚᐅᖅᑎᓪᓗᒍ ᒪᓕᒐᓕᐅᖅᑎᐅᓂᕐᒥᓂ.

ᓯᒪᐃᓚᒃ ᐅᖃᐅᓯᕆᓚᐅᖅᑕᖏᑦ ᒪᓕᒐᓕᐅᕐᕕᒻᒥᑦ ᐃᓱᒫᓘᑕᐅᔪᑦ: ᐃᒥᑦᑎᐊᕆᓐᓂᖅᓴᐅᒋᐊᖃᕐᓂᖏᑦ ᐊᒻᒪ ᓄᓇᓕᖓᑕ ᐋᓐᓂᐊᕕᖓᓂ ᐃᖅᑲᓇᐃᔭᖅᑎᑕᖃᕐᓂᖅᓴᐅᓕᕐᓗᓂ.

ᒪᓕᒐᓕᐅᖅᑎᙳᓚᐅᙱᓐᓂᖓᓂ, ᓯᒪᐃᓚᒃ ᐊᔾᔨᒌᙱᑦᑐᓂᒃ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᐅᓂᕐᒥᑦ ᐃᖅᑲᓇᐃᔮᖃᓚᐅᖅᑐᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑕ ᑎᒥᖁᑖᓂ. 

ᓯᒪᐃᓚᒃ ᕼᐋᒻᒪᓚᒃᑯᓐᓄᑦ ᑲᑎᒪᔨᐅᓚᐅᖅᑐᖅ ᖃᒪᓂᑦᑐᐊᕐᒥᑦ, ᒪᐃᔭᐅᓪᓗ ᑐᓪᓕᒋᓚᐅᕐᒥᔭᖓ.

ᐃᕐᓂᕆᔭᐅᔪᖅ ᑕᐃᕙᑦ ᓯᒪᐃᓚᒃᒧᑦ, ᑭᒡᒐᖅᑐᐃᔨᐅᓚᐅᖅᓯᒪᔪᖅ ᖃᒪᓂᑦᑐᐊᕐᒥᑦ ᓄᓇᕗᑦ ᒪᓕᒐᓕᐅᕐᕕᖓᓂ 2004-ᒥᑦ 2008ᒧᑦ.

ᓯᒪᐃᓚᒃ ᐊᑭᓕᖅᓱᖅᑕᐅᒐᓂ ᐃᑲᔪᖃᑦᑕᕐᓂᑰᔪᖅ ᑲᒪᔨᐅᓪᓗᓂ ᖃᒪᓂᑦᑐᐊᑉ ᒪᒃᑯᑦᑐᑦ ᐱᙳᐊᕐᕕᖓᓂ ᐊᒻᒪ ᐱᖃᑕᐅᓂᑰᓪᓗᓂ ᕿᓂᖅᑎᒃᑯᓐᓂᒃ ᐸᖅᓴᐃᔨᒃᑯᓐᓂᓪᓗ ᐊᒻᒪ ᕼᐋᑭᖅᑎᓂᒃ.