ᐆᒃᑐᕋᓱᐊᖅᑐᑦ: ᐊᒥᑦᑐᖅ

ᑖᓐᓇ ᓂᕈᐊᖅᑕᐅᕕᒋᔭᐅᔪᖅ ᐱᖃᓯᐅᔾᔨᔪᖅ  ᓂᒋᖓ ᐃᒡᓗᓕᒃ (ᐃᓄᒋᐊᓐᓂᖏᑦ 1,685) ᐊᒻᒪ  ᓴᓂᕋᔭᒃ (ᐃᓄᒋᐊᓐᓂᖏᑦ 1,052.)

ᓂᕈᐊᖅᑕᐅᕕᒻᒧᑦ  ᐃᓱᒫᓘᑕᐅᔪᑦ  ᐱᖃᓯᐅᔾᔨᓯᒪᔪᑦ ᐃᓄᑦᑎᑐᑦ  ᐅᖃᓪᓚᓲᓂᑦ  ᖃᖓᒃᑯᓕᒫ  ᑐᐊᕕᕐᓇᖅᑐᓄᑦ  ᐅᖄᓚᔪᓄᑦ ᐊᒻᒪ ᕿᒥᕐᕈᔭᐅᖃᑦᑕᕐᓂᖏᑦ   ᐸᓖᓯᒃᑯᑦ  ᐱᔨᑦᑎᖅᑕᖏᑦ. ᐃᒡᓗᑭᒃᓴᕐᓂᖅ  ᐊᒻᒪᓗ  ᐃᒡᓗᐃᑦ  ᐱᐅᓂᖏᓐᓄᑦ  ᓴᖅᑭᑕᐅᓚᐅᕐᒥᔪᖅᑕᐅ.

ᐅᕙᓂ ᓂᕈᐊᖅᑕᐅᕕᐅᔪᒥᑦ, ᓵᓚᒪᓐ  ᐊᓗᕈᑦ ᓂᕈᐊᕋᒃᓴᐅᖃᑎᖃᖅᑐᖅ ᓂᕈᐊᖅᑕᐅᓯᒪᔪᒥᑦ  ᔪᐃᓕ ᖃᐃᕐᓂᖅ.

ᓰᐱᓰ  ᖃᐅᔨᒋᐊᖅᓯᒪᔪᑦ ᑕᒪᒃᑮᓄᑦ  ᓂᕈᐊᖅᑕᐅᒐᓱᐊᕐᑐᓄᑦ ᑎᑎᕋᕐᓯᒪᔪᓂᑦ  ᐊᐱᖅᓲᑎᓂᑦ  ᐃᓄᒃᑎᑐᑦ  ᐊᒻᒪᓗ ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ  ᓂᕈᐊᖅᑕᐅᒐᓱᐊᖅᑐᑉ   ᓇᒻᒥᓂᒋᔭᖓᓂᑦ ᖃᕋᓴᐅᔭᓕᕆᓂᕐᒧᑦ  ᓂᕈᐊᖅᑕᐅᒐᓱᐊᕐᓂᕐᒧᑦ   ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ  ᐋᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ  ᐊᒻᒪᓗ  ᑐᑭᓯᐊᔾᔪᑎᒃᓴᖏᓐᓄᑦ.

ᓵᓚᒪᓐ ᐊᓗᕈᑦ

ᓵᓚᒪᓐ ᐊᓗᕈᑦ, ᓴᓂᕋᔭᖕᒥᐅᑕᖅ, ᐅᖃᖅᑐᖅ  ᓂᕈᐊᕋᒃᓴᐅᓪᓗᓂ ᒪᓕᒐᓕᐅᖅᑎᒧᑦ  ᐅᑉᐱᕈᓱᒃᑲᒥ ᐊᒥᓲᓂᖅᓴᓄᑦ  ᐱᔪᒪᔭᐅᔪᓄᑦ ᐊᑐᖅᑕᐅᔪᒥᑦ.

ᐊᓗᕈᑦ  ᐱᕈᖅᓴᓚᐅᖅᑐᖅ ᐃᑉᐱᐊᔪᒻᒥ, ᐃᒡᓗᓕᖕᒥᐅᑕᐅᓯᒪᔪᖅ  ᐅᖓᑖᓂ 30 ᐊᕐᕌᒍᓂᑦ  ᐊᒻᒪ  ᓴᓂᕋᔭᒃᒥᐅᑕᐅᓯᒪᔪᖅ  ᒪᕐᕉᓐᓂᒃ  ᐊᕐᕌᒎᓐᓂᒃ.

ᐃᓕᓐᓂᐊᕕᔾᔪᐊᕕᒻᒧᑦ  ᐃᓕᓐᓂᐊᕆᐊᓚᐅᕐᓯᒪᔪᖅ  ᐃᖃᓗᓐᓄᑦ  ᐊᒻᒪ  ᓇᓗᓇᐃᒃᑯᑕᖃᖅᑐᖅ ᐊ ᐅᓚᑦᑎᓂᕐᒧᑦ  ᐃᓕᓐᓂᐊᓂᕐᒧᑦ  ᓄᓇᕗᒻᒥ ᐅᑭᐅᑕᖅᑐᒥ  ᓯᓚᑦᑐᓴᕐᕕᒻᒥᑦ.

ᐊᐅᓚᑦᑎᔨᐅᓚᐅᖅᑐᖅ  ᐃᒡᓗᓕᕆᔨᒃᑯᓐᓄᑦ ᐃᒡᓗᓕᖕᒥ,  ᒫᓐᓇ ᐃᖅᑲᓇᐃᔭᓕᖅᑐᖅ  ᑐᓵᔨᐅᖃᑦᑕᖅᑐᓂ. ᐊᕐᕌᒎᓯᒪᓕᖅᑐᑦ  ᑲᑎᒪᔨᐅᖃᑕᐅᓯᒪᔪᖅ ᐊᔾᔨᒌᖏᑦᑐᓂᑦ  ᑲᑎᒪᔨᓂᑦ.

ᐅᖃᐅᓯᔅᓴᖃᖅᓯᓪᓗᓂ ᖃᕋᓴᐅᔭᒃᑯᑦ  ᑐᓴᕋᒃᓴᑎᒍᑦ, ᐊᓗᕈᑦ  ᐅᖃᖅᑐᖅ   ᓂᕆᐊᖅᑏᑦ  ᓂᕈᐊᕆᐊᓖᑦ  ᐃᓄᒻᒥᑦ  ᑭᒡᒐᖅᑐᐃᓗᓂ ᐃᓄᓐᓄᑦ ᓂᕈᐊᖅᑕᐅᓯᒪᔪᒧᑦ  ᐊᒻᒪ ᑲᒪᒋᔭᖃᕐᓗᓂ  ᓂᕈᐊᖅᑎᓄᑦ  ᐊᒻᒪᓗᑦᑕᐅᖅ  ᓄᓇᕗᒻᒧᑦ.

ᓂᕈᐊᖅᑕᐅᒍᓂ,  ᐊᓗᕈᑦ  ᐅᖃᖅᑐᖅ ᐃᖅᑲᓇᐃᔭᖃᑎᖃᕋᔭᖅᑐᓂ ᓄᓇᓕᖕᓂᑦ  ᒐᕙᒪᐅᔪᓂᑦ  ᐊᒻᒪ  ᐊᓯᖏᓐᓂ  ᑎᒥᐅᔪᓂᑦ  ᑕᕝᕗᖓᓪᓚᕆᒃ ᐊᑦᑐᐃᓂᖃᖅᑎᑦᑎᔪᑦ  ᐃᖅᑲᓇᐃᔭᓂᕐᒧᑦ , ᐱᓐᖑᐊᓂᕐᒧᑦ, ᐃᓕᓐᓂᐊᓂᕐᒧᑦ  ᐊᒻᒪ ᓴᓇᔨᐅᓂᕐᒧᑦ, ᐸᐃᕆᑦᑎᓂᐅᔪᑦ  ᐊᒻᒪ  ᓄᓇᓕᖕᓂᑦ  ᐱᖁᑎᕐᔪᐊᑦ.

ᐊᓗᕈᑦ  ᐅᖃᖅᑐᖅ  ᓯᕗᒧᒋᐊᓂᐊᖅᑐᓂ  ᐃᓅᖃᑎᒌᓐᓂᕐᒧᑦ  ᐋᓐᓂᐊᖅᑐᓕᕆᓂᕐᒨᖓᔪᓂᑦ, ᓲᕐᓗ  ᐃᓱᒪᔮᖃᑦᑕᖅᑐᓄᑦ ᐋᓐᓂᐊᖅᑐᓕᕆᓂᖅ  ᐊᒻᒪ ᐊᓯᖏᑦ  ᖃᓄᖏᓕᓯᑦᑎᑕᐃᓕᓂᕐᒧᑦ  ᐱᓕᕆᐊᑦ ᓄᓇᓕᓐᓄᑦ.

ᐃᒡᓗᓕᕆᓂᕐᒥᑦ, ᐃᖅᑲᓇᐃᔭᕋᔭᖅᑐᖅ  ᑐᕌᖅᑐᓂᑦ  ᐃᒡᓗᓕᕆᓂᕐᒧᑦ ᐱᓕᕆᐊᓂᑦ  ᐊᒻᒪ  ᓇᒻᒥᓂᖅ  ᐊᖏᕐᕋᖃᓂᕐᒧᑦ ᐱᓕᕆᐊᓂᑦ  ᐊᒻᒪ  ᐱᔨᑦᑎᖅᑕᓂᑦ. ᐊᑦᑕᓇᐃᖅᓯᓂᖅ  ᐃᖅᑲᓇᐃᔮᓂᑦ  ᐊᒻᒪ  ᐃᓕᓐᓂᐊᓂᕐᒥᑦ ᓄᓇᓕᒻᒧᑦ  ᐱᓕᕆᐊᓪᓗᐊᑕᕆᒐᔭᕐᒥᔭᖓ.

ᐊᓗᕈᑦ  ᐅᖃᕐᒥᔪᖅ  ᐃᑲᔪᖅᑐᐃᒐᔭᖅᑐᓂ  ᐱᐅᓂᖅᓴᓂᑦ ᐃᑲᔫᓯᐊᖅᑖᓂᕐᒧᑦ  ᐃᑲᔫᓯᐊᓂᑦ  ᐱᓕᕆᐊᓂᑦ, ᐱᔨᑦᑎᖅᑕᓂᑦ, ᐊᑐᐊᒐᐃᑦ ᐊᒻᒪ ᐊᑐᖅᑕᐅᔭᕆᐊᓖᑦ.

ᔪᐃᓕ ᖃᐃᕐᓂᖅ (ᒫᓐᓇ ᓂᕈᐊᖅᑕᐅᓯᒪᔪᖅ)

ᔪᐃᓕ  ᖃᐃᕐᓂᖅ  ᐃᓅᓂᑯ  ᐃᖃᓗᓐᓂ  ᐊᒻᒪ ᐱᕈᖅᓴᓯᒪᓪᓗᓂ ᓴᓂᕋᔭᖕᒥ.

ᖁᕝᕙᓯᓐᓂᓕᒻᒥ 11 ᐱᔭᕇᖅᓯᓯᒪᔪᖅ  ᐃᖅᑲᓇᐃᔭᖅᓯᒪᔪᖅ ᐹᕙᓐᓛᓐ  ᓄᓇᓕᖕᓂᑦ ᑐ ᑭᓯᒋᐊᕐᕕᐅᓪᓗᓂ  ᓂᕈᐊᖅᑕᐅᓚᐅᖅᑎᓐᓇᒍ  ᒪᓕᒐᓕᐅᖅᑎᐅᓂᕐᒧᑦ 2017.

ᖃᐃᕐᓂᖅ  ᐅᖃᖅᑐᖅ  ᓂᕈᐊᕋᒃᓴᐅᑲᓐᓂᖅᑐᓂ  ᐊᑐᕐᓗᓂᐅᒃ  ᐊᑐᖃᑦᑕᖅᓯᒪᔭᖏᑦ  ᒐᕙᒪᒧᑦ  ᓂᕈᐊᖅᑕᐅᕕᒻᒥ.

ᒪᒃᑯᑦᑐᓄᑦ  ᐱᔭᐅᔭᕆᐊᓖᑦ  ᖁᕝᕙᓯᑦᑎᑕᖏᑦ  ᓂᕈᐊᕋᒃᓴᐅᓂᕐᒧᑦ  ᑐᓐᖓᕕᖏᓐᓄᑦ  ᓂᕈᐊᖅᑕᐅᑲᓐᓂᓂᕐᒧᑦ, ᐅᖃᖅᑐᖅ, ᐃᓚᓯᓪᓗᓂ ᓄᕙᒡᔪᐊᕐᓇᖅ-19  ᐋᓐᓂᐊᕐᓇᖅ  ᐊᒃᓱᕈᕈᑕᐅᒃᑲᓂᕐᓯᒪᔪᖅ  ᒪᒃᑯᑦᑐᓄᑦ  ᖃᓄᑐᐃᓐᓇᖅ  ᐱᓕᕆᓂᖃᕐᓗᑎ.

ᓇᒧᖓᕕᒃᓴᖃᕆᐊᓖᑦ  ᐃᓕᓐᓂᐊᕐᕕᐅᑉ  ᓯᓚᑖᓂ, ᐅᖃᖅᑐᖅ.

ᖃᐃᕐᓂᖅ  ᐅᖃᖅᑐᖅ ᐃᓱᒫᓘᑎᖃᕐᓂᕋᕐᒥᔪᖅ  ᐃᓱᒪᔮᖃᑦᑕᖅᑐᓄᑦ  ᐋᓐᓂᐊᖅᑐᓕᕆᓂᕐᒥᑦ, ᐃᒡᓗᑭᔅᓴᓂᕐᒥᑦ  ᐊᒻᒪ  ᐊᑭᑐᓂᖓ  ᐃᓅᓇᓱᐊᓂᕐᒧᑦ ᓄᓇᕗᒻᒥ.