ᓂᕈᐊᒐᒃᓴᑦ: ᐃᖃᓗᒃᑑᑦᑎᐊᖅ

ᐃᒃᓯᕙᔪᖅ  ᑭᑎ  ᑐᓄᕕᐊᓂ  ᓱᓪᓗᐊᓗᒃ   ᐅᐊᓕᓂᕐᒥ  ᕿᕿᖅᑖᓗᒧᑦ  ᑕᕆᐅᒃᑯᑦ  ᐊᖅᑯᑎᖓ, ᐃᖃᓗᒃᑑᑦᑎᐊᖅ (ᐊᒥᓲᓂᖏᑦ 2,137) ᐊᐅᓚᑦᑎᔨᐅᔪᑦ ᐊᒻᒪᓗ  ᐃᖏᕐᕋᔪᓕᕆᔨᒃᑯᑦ  ᐅᒥᐊᑯᑦ  ᕿᑎᕐᒥᐅᑦ  ᓄᓇᖓᓄᑦ.

ᐱᖓᓱᑦ  ᓯᑕᒪᓃᙶᕐᑐᓂᑦ  ᓄᓇᒥᐅᑕᐃ ᑦ ᐃᓅᔪᑦ , ᑭᓯᐊᓂ  ᐊᖏᔪ,  ᐊᑯᓂ  ᖃᓪᓗᓈᓄᑦ  ᐊᒥᓲᓂᖏᑦ ᐊᒻᒪᓗ  ᖃᓪᓗᓈᑎᑑᑲᐃᓐᓇᖃᑦᑕᖅᑐᑦ  ᑕᒫᓂ.

$142-ᒥᓕᐊᓐ  ᑲᓇᑕᒥ  ᖁᑦᑎᑦᑐᑦ  ᐅᑭᐅᕐᑕᖅᑐᒥ  ᓱᓇᒃᑯᑖᓂᒃ  ᖃᐅᔨᓴᕐᓂᕐᒧᑦ  ᓇᔪᕐᕕᒃ  ᒪᑐᐃᖓᓕᖅᑐᖅ ᑕᐃᑲᓂ, ᐋᒋᓯ 2019−ᖑᑎᓪᓗᒍ.

ᑭᓯᐊᓂ  ᓄᕙᒡᔪᐊᕐᓇᖅ-19  ᐋᓐᓂᐊᕐᓇᕐᓂᖓᓄᑦ  ᒪᑐᔭᐅᓚᐅᕐᑐ  ᑲᓇᑕᐅᑉ  ᐅᑭᐅᕐᑕᑐᖓᓂ  ᖃᐅᔨᓴᕐᕕᐅᓲᖅ (CHARS)  ᓱᓇᒃᑯᑖᓂᒃ ᖃᐅᔨᓴᖅᑎᓄᑦ  ᐊᒻᒪᓗ   ᑕᒪᒃᑭᓐᓂᑦ  ᐅᒥᐊᓕᕆᓂᕐᒧᑦ  ᐊᒻᒪᓗ  ᐊᓕᐊᓇᐃᒍᓱᓐᓂᕐᒧᑦ  ᐅᒥᐊᕐᔪᐊᓕᕆᓂᕐᒧᑦ  ᐊᖅᑯᑎᒋᔭᐅᔪᑦ  ᓱᓪᓗᐊᓗᒃ  ᐅᐊᓕᓂᕐᒥ ᕿᕿᖅᑖᓗᒧᑦ  ᑕᕆᐅᒃᑯᑦ  ᐊᖅᑯᑎᖓ 2020  ᐊᒻᒪᓗ  2021−ᒥᑦ.

ᐹᒥᓚ  ᕼᐊᑯᖓᒃ  ᒍᔅ

ᐃᓅᔪᖅ  ᐃᖃᓗᒃᑑᑦᑎᐊᒥ,  ᑕᐃᑲᓂ  ᐱᕈᖅᓴᓚᐅᕐᑐ ᐊᒻᒪᓗ  ᕼᐄ ᕆᕗᒥ,  ᐹᒥᓚ  ᒍᔅ  ᐃᓕᓐᓂᐊᓚᐅᖅᑐᖅ  ᓄᓇᕗᑦ ᓯᕗᓂᒃᓴᕗᑦ  ᐊᑐᕙᒥ  ᐊᒻᒪᓗ ᐃᓕᓐᓂᐊᕌᓂᒃᓯᒪᓪᓗᓂ  ᑲᕈᑕᓐ  ᓯᓚᑦᑐᖅᓴᕐᕕᐊᓂᑦ.

ᒍᔅ  ᐃᓕᓐᓂᐊᖃᑕᐅᓯᒪᔪᖅ  ᓄᓇᖃᖅᑳᖅᓯᒪᔪᓄ ᒐᕙᒪᓕᕆᓂᕐᒧᑦ  ᓯᓚᑦᑐᖅᓴᕐᕕᒃ  ᕕᓂᐸᐃᒥ.

ᐃᖃᓗᒃᑑᑦᑎᐊᒥ,  ᐃᖅᑲᓇᐃᔭᖅᓯᒪᔪᖅ ᓄᓇᕗᑦ  ᐱᔾᔪᑎᒋᔭᐅᔪᓄᑦ  ᖃᐅᔨᓴᕐᓂᕐᒧᑦ  ᑲᑎᒪᔨᒃᑯᓐᓂ ᐊᒻᒪᓗ  ᐊᓯᐊᓄᐊᖅᑐᓂ  ᐱᖅᑯᕼᐃᕐᓂᒃᑯᑦ ᐃᓕᕼᐊᐅᑎᓂᖅ/ᕿᑎᕐᒥᐅᑦ  ᐃᑦᑕᕐᓂᑕᓕᕆᔨᒃᑯᑦ  ᑲᑐᔾᔨᖃᑎᒌᒃᑯᓐᓄᑦ.

ᒍᔅ  ᓂᕈᐊᒐᒃᓴᐅᑎᑕᐅᓇᓱᐊᓚᐅᖅᑐᖅ  ᔨᓂ ᐃᕼᐊᓗᒥᑦ  2017−ᖑᑎᓪᓗᒍ  ᐊᒻᒪᓗ  ᓵᓚᐅᓪᓗᓂ.  ᑕᐃᒪᙵ, ᒍᔅ  ᒥᔫᓕᓚᐅᖅᑐᖅ  ᓄᖅᑲᖅᑳᖅᑎᓐᓇᒍᑦ ᓂᕈᐊᒐᒃᓴᐅᓇᓱᐊᖅᑳᖅᑎᓐᓇᒍ  ᒥᓂᔅᑕᐅᓂᕐᒧᑦ  ᒪᓕᒐᕐᕕᐊᓄᑦ. 

ᒍᔅ  ᑎᑎᕋᖅᓯᒪᔭᖏᑦ  ᓯᕗᓪᓕᐅᑎᑕᐅᓂᐊᖅᑐᓄᑦ  ᐊᑦᑕᕐᓇᖅᑕᐃᓕᒪᓂᖅ  ᓂᕿᓄᑦ  ᐊᒻᒪᓗ  ᑐᓴᒐᒃᓴᐅᑎᑦᑎᓂᖅ  ᓄᓇᓕᖕᓂ  ᐃᑳᕈᓐᓇᐅᑎᓄᑦ ᑎᒻᒥᓲᒃᑯᑦ,  ᐊᖅᑯᑎᒃᑯᑦ ᐊᒻᒪ ᐃᒪᒃᑯᑦ.

ᐅᖃᐅᓯᖃᑲᐃᓐᓇᖃᑦᑕᖅᑐᓂ  ᓄᓇᓕᖕᓂ ᒥᐊᓂᕆᕝᕕᒃᑭ  ᐃᖃᓗᒃᑑᑦᑎᐊᒥ.

"ᐱᕚᓪᓕᕆᐊᕐᓗᒋᑦ  ᖃᓄᐃᓐᓂᕆᔭᐅᔪᑦ  ᐃᒡᓗᓕᕆᓂᕐᒧᑦ  ᐱᒻᒪᕆᐅᔪᖅ  ᐱᒋᐊᕐᓗᒍ  ᓄᓇᕗᒻᒥᐅᑕᓄᑦ  ᐊᒻᒪᓗ  ᐸᕐᓇᒃᑐᖓ  ᐊᑲᐅᓈᖅᑐᒃᑯᑦ ᐊᑲᐅᙱᓕᐅᕈᑕᐅᔪᓄᑦ  ᐃᒡᓗᓕᕆᓂᕐᒧᑦ  ᑕᐃᒪᓪᓚᕆᒃᑯᑦ  ᓂᕈᐊᖅᑕᐅᓯᒪᑎᓪᓗᖓ  ᐊᒻᒪᓗ  ᐃᖅᑲᓇᐃᔭᖅᑎᓪᓗᖓ,"  ᐅᖃᖅᑐᖅ  ᑐᓴᒐᒃᓴᓕᕆᔨᒃᑯᓐᓄᑦ  ᓂᕈᐊᖅᑕᐅᒐᓱᐊᕐᓂᕐᒧᑦ  ᐅᖃᐅᓯᒃᓴᒃᑯᑦ. "ᐃᖏᕐᕋᒍᑎᒋᔭᕋ  ᐅᓪᓗᒥᒧᑦ  ᐱᒻᒪᕆᐅᓂᒃᑯᑦ  ᐱᔾᔪᑎᖃᖅᑐᑦ  ᓴᙱᓕᖅᑎᑦᑎᓂᖅ ᐊᒻᒪᓗ ᐱᕚᓪᓕᕆᐊᕐᓗᒋᑦ  ᐃᓅᓯᖃᖅᑐᑦ  ᓄᓇᕗᒻᒥᐅᑕᓄᑦ.

ᔨᓂ  ᕼᐊᑯᖓᒃ  ᐃᕼᐊᓗᐊᒃ (ᐃᖅᑲᓇᐃᔭᖅᑎ)

ᐃᓅᔪᖅ  ᔨᓂ  ᓕᓐ  ᕿᑭᖅᑕᖓᓂ CAM−1  ᓇᔪᕐᕕᐊᓂ (ᐅᖓᓯᑦᑐᒥ ᖃᐅᔨᓴᕈᑎᑦ) , ᔨᓂ ᐃᕼᐊᓗᐊᒃ  ᐃᖃᓗᒃᑑᑦᑎᐊᒦᖏᓐᓇᖅᑐᖅ  ᐃᓅᓯᓗᒃᑖᒥᓂ.

ᑎᒍᒥᐊᖅᑐᖅ  ᐸᐃᑉᐹᓂᒃ  ᐃᓕᑕᕆᔭᐅᓯᒪᓂᕐᒧᑦ  ᐊᐅᓚᑦᑎᓕᕆᓂᕐᒧᑦ  ᐃᓕᓐᓂᐊᕐᓂᖅ  ᕗᕆᓐ ᓰᓐᑦ  ᒥᐊᕆ  ᓯᓚᑦᑐᖅᓴᕐᕕᒻᒥᑦ  ᐊᒻᒪᓗ ᐃᖅᑲᓇᐃᔭᕐᓱᓂ  ᒐᕙᒪᒃᑯᓐᓄᑦ,  ᕼᐋᒻᓚᑦ  ᐊᒻᒪᓗ  ᐊᒥᓱᑲᓪᓚᐃᑦ  ᑭᒃᑯᑐᐃᓐᓇᐃᑦ  ᑲᑐᔾᔨᖃᑎᒌᖑᔪᓂᑦ.

ᐃᕼᐊᓗᐊᒃ  ᒥᔫᓚᐅᖅᑐᖅ  ᐃᖃᓗᒃᑑᑦᑎᐊᒧᑦ  ᐊᕐᕕᓂᓕᑦ  ᐅᑭᐅᓄᑦ  ᐊᒻᒪᓗ  ᐱᔨᑦᑎᕋᖅᑐᓂ  ᐊᖏᔪᖅᑳᖑᓂᕐᒧᑦ ᓄᓇᕗᑦ  ᑲᑐᔾᔨᖃᑎᒌᖏᑦ ᓄᓇᓕᒥᐅᑕᓄᑦ  ᑕᓪᓕᒪᓄᑦ  ᐅᑭᐅᓄᑦ ᐊ ᒻᒪᓗ ᑲᑎᒪᔨᐅᓂᕐᒧᑦ.

ᐅᖃᐅᓯᕆᔭᖓᓂ  ᑎᑎᕋᖅᓯᒪᔪᑦ  ᐃᕼᐊᓗᐊᒃ  ᐅᖃᖅᑐᖅ ᐃᓕᓯᒪᓂᖓᓄᑦ, ᐱᔪᒪᓂᖓᓄᑦ, ᐱᓪᓚᐅᔪᒪᓂᖓᓄᑦ  ᐊᒻᒪᓗ  ᑕᐃᒪᐅᒐᔪᒃᑐᖅ: "ᐃᑲᔪᖅᑎᒌᓐᓂᒃᑯᑦ  ᓴᖅᑭᑎᑦᑎᔪᓐᓇᖅᑐᒍᑦ  ᐃᓱᒪᒋᔭᑦᑎᓂᒃ  ᐱᒋᐊᕈᑎᒋᓗᒋᑦ  ᑕᐃᒪᐅᓪᓚᕆᐅᓗᑎᒃ."

ᐃᕼᐊᓗᐊᒃ  ᐅᖃᖅᑐᖅ  ᑲᔪᓯᓂᐊᕐᓗᓂ  ᐱᓕᕆᐊᒃᓴᓄᑦ 24 −ᐃᑲᕐᕋᓄᑦ  ᒥᐊᓂᕆᕝᕕᒻᒥᑦ  ᓴᓇᕝᕕᒃ  ᐊᒻᒪᓗ  ᐱᕚᓪᓕᕆᐊᕐᓗᒋᑦ  ᐱᓕᒻᒪᒃᓴᐃᓂᕐᒧᑦ ᐊᒻᒪᓗ  ᐃᖅᑲᓇᐃᔮᒃᓴᓄᑦ ᓄᓇᓕᒥ.

ᐱᑕ  ᐅᕼᐅᑲᒃ

ᐱᑕ  ᐅᕼᐅᑲᒃ  ᐃᓕᓐᓂᐊᖅᓯᒪᔪᖅ  ᓯᓚᑦᑐᖅᓴᕐᕕᒃ  ᐃᐊᐳᑕ  ᐊᒻᒪᓗ ᐃᓕᑕᕆᔭᐅᔾᔪᑎᒃᓴᖃᖅᑐᖅ ᐊᐅᓚᑦᑎᓕᕆᓂᕐᒧᑦ  ᐃᓱᒪᑕᐅᓂᕐᒧᑦ.

"ᒫᓐᓇᓵᖅ  ᐃᖅᑲᓇᐃᔭᖅᓯᒪᔪᑦ  ᓄᓇᕗᑦ  ᑐᙵᕕᒃ  ᑎᒥᖁᑎᖏᓐᓂ  ᐃᓱᒪᑕᐅᓪᓗᖓ  ᐅᔭᕋᓐᓂᐊᕐᓂᕐᒧᑦ  ᐊᖏᕈᑎᓕᕆᓂᕐᒧᑦ  ᐊᒻᒪᓗ ᐱᒋᐊᕈᑎᒋᔭᐅᔪᒃᓴᓕᕆᓂᕐᒧᑦ  ᓇᒥ  ᑲᒪᐃᓐᓇᖅᑐᖓ  ᓄᓇᕗᒻᒧᑦ  ᑲᓇᑕᒥ  ᓄᓇᒋᔭᐅᔪᖅ  ᓇᒻᒥᓂᕆᔭᐅᓪᓗᓂ   ᐊᒻᒪᓗ  ᐃᓄᐃᑦ  ᓴᙱᔪᒃᑯᑦ ᐃᑲᔪᖅᑎᒌᓐᓂᒃᑯᑦ  ᐱᐅᔪᒻᒪᕆᒻᒥᒃ  ᓯᕗᓂᖃᕐᓂᕐᒧᑦ,"  ᑕᐃᒪᓐᓇ  ᐅᖃᐅᓯᖃᖅᑐᖅ  ᓂᕈᐊᖅᑕᐅᒐᓱᐊᕐᓂᕐᒧᑦ   ᑎᑎᕋᖅᓯᒪᔪᓂᑦ.

"ᐃᓕᕋᓱᙱᑦᑐᖓ  ᐊᐱᕆᓗᖓ  ᐊᒃᓱᕈᕐᓇᖅᑐᓂᒃ  ᐊᐱᖅᓲᑎᓂᒃ  ᐊᒻᒪᓗ  ᑎᓕᓗᖓ  ᐱᒋᐊᕈᑎᒃᓴᓂᑦ  ᑭᓇ  ᑐᕌᖓᓇᔭᖅᑐᖅ ᐃᒡᓗᓕᕆᓂᕐᒧᑦ, ᐃᓕᓐᓂᐊᕐᓂᕐᒧᑦ,  ᓴᓇᕝᕕᓄᑦ,  ᐃᓚᒋᓗᒍ  ᒥᑦᑕᕐᕕᒻᒧᑦ  ᓄᑖᙳᖅᑎᕆᓂᖅ  ᐊᒻᒪᓗ  ᐃᒥᐊᓗᕕᓂ  ᓂᐅᕕᕐᕕᒻᓂᑦ."

ᐅᕼᐅᑲᒃ  ᐱᒋᐊᕈᑎᖃᖃᑕᐅᓇᔭᖅᑐᖅ  ᐱᐅᓂᖅᓴᒥᑦ  ᖃᕋᓴᐅᔭᓕᕆᓂᕐᒧᑦ  ᐱᔪᓐᓇᐅᑎᓂᑦ  ᐊᑭᖏᓐᓄᑦ  ᐊᒻᒪᓗ  ᓱᒃᑲᓂᖅᓴᓄᑦ  ᐃᖃᓗᒃᑑᑦᑎᐊᒥ.

ᐃᖅᑲᓇᐃᔭᕋᔭᖅᑐᖅ  ᐋᖅᑭᒋᐊᕐᓗᒋᑦ  ᓇᒻᒥᓂᖃᕐᓂᕐᒧᑦ  ᐃᒡᓗᓕᕆᓂᕐᒧᑦ  ᐱᓕᕆᐊᒃᓴᓂᑦ  ᐊᑐᐃᓐᓇᐅᔪᒃᓴᓂᑦ  ᐱᕚᓪᓕᖁᓪᓗᒋᑦ  ᓇᒻᒥᓂᖃᖅᑐᓄᑦ ᐃᒡᓗᖃᖅᑐᓄᑦ  ᐊᒻᒪᓗ  ᐊᒃᓱᕈᕐᓇᕈᓐᓃᕐᓗᒋᑦ  ᐊᑐᖅᑕᐅᖃᑦᑕᖅᑐᑦ  ᒐᕙᒪᒃᑯᑦ  ᑮᓇᐅᔭᒃᑯᑦ  ᐃᑲᔫᓯᐊᓄᑦ.