ᐆᑦᑐᕋᓱᐊᖅᑐᑦ: ᐊᒡᒍ

ᐃᓄᐃᑦ ᐃᒡᓗᓕᖕᒥ ᓴᖅᑭᑎᑦᑎᒐᔪᑦᑐᑦ ᐃᓱᒫᓘᑕᐅᔪᓂᑦ ᓴᐳᒻᒥᑦᑎᓂᕐᒥᑦ ᐊᒻᒪ ᓴᖅᑭᔮᖅᑎᑦᑎᓂᕐᒥᑦ ᐃᓄᐃᑦ ᐅᖃᐅᓯᖓᓂᑦ ᐊᒻᒪ ᐱᖅᑯᓯᖓᓂᑦ. ᐊᒻᒪᓗᑦᑕᐅᖅ, ᐃᓱᒫᓘᑎᑕᖃᕐᒥᔪᖅ ᐊᑦᑐᖅᑕᐅᔪᑦ ᐅᔭᕋᓐᓂᐊᓂᕐᒧᑦ ᐊᒻᒪ ᐅᒥᐊᕐᔪᐊᓕᕆᓂᕐᒧᑦ ᐆᒪᔪᓄᑦ ᖃᓂᒋᔭᖓᓂ.

ᐃᓄᐃᑦ ᐃᒡᓗᓕᖕᒥ ᓴᖅᑭᑎᑦᑎᒐᔪᑦᑐᑦ ᐃᓱᒫᓘᑕᐅᔪᓂᑦ ᓴᐳᒻᒥᑦᑎᓂᕐᒥᑦ ᐊᒻᒪ ᓴᖅᑭᔮᖅᑎᑦᑎᓂᕐᒥᑦ ᐃᓄᐃᑦ ᐅᖃᐅᓯᖓᓂᑦ ᐊᒻᒪ ᐱᖅᑯᓯᖓᓂᑦ. ᐊᒻᒪᓗᑦᑕᐅᖅ, ᐃᓱᒫᓘᑎᑕᖃᕐᒥᔪᖅ ᐊᑦᑐᖅᑕᐅᔪᑦ ᐅᔭᕋᓐᓂᐊᓂᕐᒧᑦ ᐊᒻᒪ ᐅᒥᐊᕐᔪᐊᓕᕆᓂᕐᒧᑦ ᐆᒪᔪᓄᑦ ᖃᓂᒋᔭᖓᓂ.

ᐅᓇᐅᓕᖅᑎᓪᓗᒍ 2020, ᐃᒡᓗᓕᒃ ᐃᓄᒋᐊᓐᓂᖃᓚᐅᖅᑐᑦ 1,978, ᖃᓂᒋᔭᐸᓗᖏᓐᓃᑦᑐᑦ 40 ᐳᓴᓐᑎ ᐃᓄᒋᐊᓐᓂᖏᑦ ᑐᖔᓂ ᐊᕐᕌᒍᓖᑦ 15.

ᒪᕐᕉᒃ ᓂᕈᐊᕋᔅᓴᐅᔫᒃ ᒥᑐᓴᓚ ᑯᓄᒃ ᐊᒻᒪ ᔪᐊᓇ ᖁᐊᓴᖅ.

ᓰᐱᓰ ᖃᐅᔨᒋᐊᖅᓯᒪᔪᑦ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ ᑎᑎᕋᖅᓯᒪᔪᓂᑦ ᐊᐱᖅᓲᑎᓂᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ ᓂᕈᐊᖅᑕᐅᒐᓱᐊᖅᑐᑉ ᓇᒻᒥᓂᕆᔭᖓᓂᑦ ᖃᕋᓴᐅᔭᓕᕆᓂᕐᒧᑦ ᓂᕈᐊᖅᑕᐅᒐᓱᐊᕐᓂᕐᒧᑦ ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ ᐊᒻᒪᓗ ᑐᑭᓯᐊᔾᔪᑎᒃᓴᖏᓐᓄᑦ.

ᒥᑐᓴᓚ ᑯᓄᒃ

ᐃᒡᓗᓕᖕᒥᐅᑕᓪᓚᕆᐅᓪᓗᓂ, ᒥᑐᓴᓚ ᑯᓄᒃ ᐃᖃᓗᒻᒥᐅᑕᖅ ᐱᔨᑦᑎᖅᓯᒪᔪᖅ ᐊᔪᕆᖅᓱᐃᔨᐅᓪᓗᓂ ᐋᖕᓕᑲᓐ ᑐᔅᓯᐊᕐᕕᖓᓂ, ᐃᖅᑲᓇᐃᔭᖃᑦᑕᖅᓯᒪᔪᖅ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪ ᐊᑯᓂᐅᔪᖅ ᐃᓚᒋᔭᐅᖃᑦᖅᓯᒪᔪᖅ ᐊᖑᓇᓱᒃᑏᑦ ᒥᑭᒋᐊᕐᓂᐊᑏᓪᓗ ᑲᑐᔾᔨᖃᑎᒌᖏᓂ ᐊᒻᒪ ᐃᖃᓗᓕᕆᓂᐅᔪᓂᑦ.

ᑯᓄᒃ ᐅᖃᐅᔾᔨᔪᖅ ᓰᐱᓰᑯᓐᓂ ᐅᖃᖃᑎᖃᖅᓯᒪᓪᓗᓂ ᓂᕈᐊᑎᖏᓐᓂ ᐃᒡᓗᓕᖕᒥ ᖃᐅᔨᔪᒪᓪᓗᓂ ᑭᓱᓂᑦ ᐱᔪᒪᒻᒪᖔᑕ ᓄᑖᒥ ᒪᓕᒐᓕᐅᖅᑎᒥᑦ ᐃᖅᑲᓇᐃᔭᕐᓗᓂᐅᒃ.

ᖁᑦᑎᓂᖅᐹᖓᓃᑦᑐᑦ ᑎᑎᕋᖅᓯᒪᔭᖏᓐᓂ ᐃᓱᒫᓘᑕᐅᔪᑦ ᐃᓪᓗᑭᔅᓴᓂᕐᒥᑦ, ᒪᓕᑦᑕᐅᓪᓗᓂ ᐱᑕᖃᕆᐊᖃᕐᓂᖓ ᐱᐅᓯᑎᒋᐊᖅᑕᐅᓂᖏᑦ ᓄᓇᓕᒻᒧᑦ ᐱᖁᑎᕐᔪᐊᑦ.

ᖁᑦᑎᓂᖅᐹᖓᓃᑦᑐᑦ ᑎᑎᕋᖅᓯᒪᔭᖏᓐᓂ ᐃᓱᒫᓘᑕᐅᔪᑦ ᐃᓪᓗᑭᔅᓴᓂᕐᒥᑦ, ᒪᓕᑦᑕᐅᓪᓗᓂ ᐱᑕᖃᕆᐊᖃᕐᓂᖓ ᐱᐅᓯᑎᒋᐊᖅᑕᐅᓂᖏᑦ ᓄᓇᓕᒻᒧᑦ ᐱᖁᑎᕐᔪᐊᑦ.

ᔪᐊᓇ ᖁᐊᓴᖅ

ᔪᐊᓇ ᖁᐊᓴᖅ ᐃᓅᓚᐅᖅᓯᒪᔪᖅ ᓄᓇᓕᕋᓛᓂᑦ ᐊᑎᖃᖅᑐᖅ ᑲᑉᐳᐃᕕᒃ ᐊᒻᒪ ᐱᕈᖅᓴᔭᐅᓪᓗᓂ ᐊᓈᓇᑦᑎᐊᖓᓄᑦ ᐃᒡᓗᓕᖕᒥ.

ᖁᐊᓴᖅ ᐱᔭᕇᖅᓯᓚᐅᖅᑐᖅ ᓄᓇᕗᒻᒥ ᐃᓕᓴᐃᔨᔅᓴᐅᓂᕐᒧᑦ ᐃᓕᓐᓂᐊᕋᔅᓴᒥᑦ (NTEP). ᑭᖑᓂᐊᒍᑦ, ᐃᖅᑲᓇᐃᔭᓚᐅᖅᑐᖅ ᐃᓕᓴᐃᔨᐅᓪᓗᓂ 11 ᐊᕐᕌᒍᓄᑦ ᐊᒻᒪ ᐃᓄᒃᑎᑐᑦ ᐃᓕᓐᓂᐊᕈᑎᔅᓴᓕᐅᖅᑐᓂ ᑕᓪᓕᒪᓄᑦ ᐊᕐᕌᒍᓄᑦ. 

ᖁᐊᓴᖅ ᐃᖅᑲᓇᐃᔭᖅᓯᒪᔪᖅ ᐱᓕᖅᑯᓯᓕᕆᔨᒃᑯᓐᓄᑦ 15 ᐊᕐᕌᒍᓄᑦ, ᑐᑭᒧᐊᖅᑎᑦᑎᔨᐅᓚᐅᖅᑐᖅ ᐃᓐᓇᑐᖃᕐᓄᑦ ᐊᒻᒪ ᒪᒃᑯᑦᑐᓄᑦ ᐃᖅᑲᓇᐃᔭᖅᑐᓂ ᐊᑐᐊᒐᕐᓂᑦ.

ᖁᐊᓴᖅ ᐱᔨᑦᑎᖅᓯᒪᔪᖅ ᕼᐊᒻᒪᓚᒃᑯᑦ ᑲᑎᒪᔨᖏᓐᓂ, ᒪᐃᔭ, ᐊᓪᓚᑦᑎ, ᐃᓚᒋᔭᐅᓪᓗᓂ ᓄᓇᓕᒻᒥ ᐃᒥᐊᓗᓕᕆᔨᒃᑯᑦ ᑲᑎᒪᔨᕋᓛᖏᓐᓂ ᐊᒻᒪ ᑐᔅᓯᐊᕕᒻᒥ ᐅᖃᓕᒫᖅᑎᐅᓪᓗᓂ.

"ᓂᕈᐊᕋᔅᓴᐅᓇᓱᐊᖅᑐᖓ ᐱᔾᔪᑎᒋᓪᓗᒍ ᐃᒡᓗᓕᒃ ᐱᐅᓂᖅᓴᒥᑦ ᑭᒡᒐᑐᖅᑕᐅᔭᕆᐊᖃᕐᓂᖓᓄᑦ ᐱᔭᕆᐊᖃᖅᑕᖏᓐᓄᑦ ᐊᒻᒪ ᐃᓱᒫ ᓘᑎᖏᓐᓄᑦ," ᐅᖃᖅᑐᖅ.

ᐊᖏᓛᖑᔪᖅ ᐃᓱᒫᓘᑕᐅᔪᖅ ᓂᕈᐊᖅᑕᐅᕕᒻᒥ ᐱᖃᓯᐅᔾᔨᔪᑦ ᐃᓪᓗᓕᕆᓂᖅ, ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᐅᓂᖏᑦ ᐊᒻᒪ ᐃᓕᓐᓂᐊᕐᓂᓕᕆᓂᖅ, ᐅᖃᖅᑐᖅ.

ᓂᕈᐊᖅᑕᐅᒍᓂ, ᐅᖃᖅᑐᖅ ᐱᓕᕆᖃᕐᓂᖅᓴᐅᒐᔭᖅᓐᑐᖅ ᓄᓇᓕᒻᒧᑦ ᐃᓱᒫᓘᑕᐅᔪᓂᑦ ᐊᒻᒪ ᐱᔪᒪᓂᖃᖏᑦᑐᖅ ᓯᕗᓕᖅᑎᕈᓂᕐᒧᑦ.